注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

gentle persistence

Pann

 
 
 

日志

 
 

2012年02月28日  

2012-02-28 23:11:08|  分类: 默认分类 |  标签: |举报 |字号 订阅

  下载LOFTER 我的照片书  |

最近的两本书和两个人 好想写写

2012年02月28日 - Pann - 单纯 向上

一本游记+爱情随想吧

未睇之前好吸引我

云南 缅甸 尼泊尔 西藏 新疆……漠河  青海

都系我一直向往嘅 徒步嘅体验 心的朝圣

但系词藻实在华丽浮夸得有D离地了 其实有D比喻我都睇5明理解5到

而且一大部分讲佢同一个人的约定

亦系用旅行来疗伤 来体验甘 有D似《eat pray love》

发觉好多人失恋或者受挫都会选择离开自己熟悉嘅地方gap一下

冇眼屎干净盲 或者系体验另一种生活另一种思维方式会令人有新嘅开始吧

嗯 仲有原来尼泊尔并5系我想象中个种纯到流油嘅朝圣地

西藏个种匍匐式嘅朝拜令我諗起耶路撒冷嘅哭墙

都系觉得哩种游记类踏实D 细腻D会更自然 更打动人

但依旧超级羡慕个作者可以去过甘多次西藏 去过甘多地方朝圣

有句话记得几清楚的 因为我都系甘諗的

“很多人隐匿了过去 是以为伤痕和隐痛可以掩盖 而我总固执的认为 那些属于自己的印记 即使是尘封起来 伤疤依然也会隐隐作痛”

习惯左隐匿过去 很多人 有时候 我也是

明知道一直都在 只是习惯自欺欺人

不断骗自己掩住了 以为掩住了就等于没发生过 只是不敢承认 逃避罢了

我也知道是这么回事 可是这也是我一直尊崇的自欺欺人的哲学

呵呵 只要能让自己好过就好

 

2012年02月28日 - Pann - 单纯 向上
 
第一次睇周国平先生嘅书 借洁洁的
其实一直有D怕怕睇哩D大师嘅书
以我肤浅嘅文化水平好难理解个D晦涩嘅理论同思想
但因为佢书名叫朝圣 还是很有吸引力的
睇左几篇 有种相见恨晚嘅感觉
5可以话志同道合 不敢不敢
只系觉得好开心原来自己好多諗法同大师一样 沾沾自喜呢
而且有好多野困扰我嘅 佢比左答案我 或者表达左我5识表达嘅野
 
“一个懂得了自己理解自己之困难 他就不会强求别人完全理解自己了 也不会奢望自己完全理解别人了”
 
不是在说我么?!呵呵
因为我都不理解自己 所以人地5理解我嘅时候 我会帮佢解释埋
不是个个都将我当作重要的人 所以亦冇必要要求佢地理解我 明白我
我亦5希望一个对我5重要嘅人甘理解我 怕被看穿了
怕被看穿了其实冇外表嘅硬朗同坚强
说实在的 我亦5多中意太了解一个人
知道嘅越多 往往佢就5系你一直印象中哥个人了 哥个我认为应该系甘嘅人
如果佢超出左我描画嘅范围 我会好失落的
很不喜欢失落的感觉
不是对那个人失望 而系对于自己嘅主观刻画失望 而已
 
“当一个人被信仰问题困扰——这当然只能发生在有精神追求的勇气的人身上——的时候 他已经是一个有信仰的人了”
 
好像也是在说我哦 呵呵
我系一直被信仰困扰的
迷茫嘅时候好想寻求宗教力量 但系又5知要咩教先可以拯救我
我想自己有信仰
因为觉得有信仰嘅人 内心会更加强大坚定 冇甘容易迷茫
我仲特登用哩个话题写过篇论文比Peter
第一次甘正经 甘严肃 甘书面 甘有条理甘 去讲哩个问题
点知Peter比左好高分我 窃喜窃喜 嘻嘻 我只知道好多人都挂左哥科
自从个次之后 我就冇再甘严肃甘諗过哩个问题了
原来我都算嘅有信仰嘅人了
睇到哩度真系好开心 虽然冇ISO9001认证
但系比个大师甘定义 我依旧相当信服 相当踏实满足的
佢都系一个无神论嘅人
发觉好多研究哩样野嘅人都系无神论但系有信仰嘅人
又諗起个次同阮伯伯讲起哩个话题
佢嘅信仰就系佢自己 佢坚信自己做嘅都系正确的必须的
 
未睇晒本书 所以暂时分享甘多先
因为实在急不及待甘想mark低佢
因为怕有D感想过去之后就諗5翻了 而且可能又有5同理解了
每晚训之前来个头脑风暴 心灵沉淀
感觉会好踏实 好安静
我5系个种好中意睇书嘅人
只不过中意睇书个阵好静好定好清晰嘅自己
 
好了 讲讲人了
偶然系LOFTER识到一位同龄人 leftscenery
因为好中意佢D相 所以厚颜甘叫佢拿了
 
 
原来系中国传媒大学嘅同龄人
佢要出国 5再翻来了 想做战地摄影师
仲比左个视频过我睇 真系相当震撼

突然间觉得系哩个甘物质化嘅社会

其实仍然有人富有正义感而不功利

好似黄书记甘 明知官场好黑暗

仍然希望用自己绵薄之力改变现实

即使可能成为殉道者亦无悔

正因为会有哩D人嘅存在

哩个社会先未至于过早过快甘堕入我地可以预见嘅黑洞

觉得佢地好伟大 即使有哩个諗法都变得好伟大

我就系冇哩种諗法嘅人

连想改变世界嘅心都冇

一日到黑就系围绕自己个D不足为谈嘅琐事纠结 纠结 纠结

或者性格就可以决定出路

就系个种懒懒闲 5嗲5吊嘅性格注定我依加甚至以后嘅高度

讲好多野都追究系客观条件客观事实上

其实自己根本冇諗过用主观力量寻求改变

本质的劣根性 呵呵

佢去过好多地方 太白山 漠河 西安 厦门 内蒙

backpacker&hiker 露营住帐篷个种

而且佢正准备去西藏 尼泊尔 新疆 完全就系我心水路线嘛!!!

觉得佢就好似上面个本书甘 好羡慕

一直觉得哩种人只会出现系书入面 点知都会比我识到 呵呵 好幸运

佢嘅理想 佢嘅经历 令我深深甘感到羞愧

相比之下 自己嘅生活系几腐几颓 几冇社会责任感

就系识得饮饮食食 发发牢骚

同龄 佢睇嘅世界 佢理解嘅世界 同我已经完全5同层次了

真系觉得系两个世界 两种5同嘅人生 完全5一样嘅人生轨迹

一个好有趣嘅人 祝福佢一切顺利

 

最后想讲嘅人 系我

偶然系facebook得知好多以前嘅同学都出国留学了 

而且受到leftscenery嘅触动 受到李初初嘅触动

总系话经济基础决上层建筑 出个国初期投入认真大

但系突然觉得 

其实有时自己总会比好多借口比自己 

要考试 要办手续 要自理 要学语言 要离开屋企 要重新开始……

其实只不过系自己5够狠心 

完全可以储够去嘅机票钱就走 

去到一切重新开始 边读书边打工 

你敢么?!敢嘅就出去闯天地 而我就系5敢 冇胆

只是自己不够狠心 冇甘大勇气去重新开始

总系习惯左依赖所有熟知嘅环境

怕麻烦 怕未知 怕冇安全感

我5系话我想要出国 只系諗到哩样野 而已

讲好多野都归咎于客观条件嘅不具备而完全冇諗过用主观努力去改变

只系自己帮自己设障 自己帮自己开脱

就系冇个种话做就去做嘅决心同冲劲

不存在机会与否嘅时候 自己就先放弃了

所以好多野都系自己放手的 同客观条件真系冇太大关系

只系哩个浅浅嘅狠心 就深深甘划分左同其他人嘅边界了

 

最近想的不少

希望諗完之后 真系自己会记得 会有所体会有所改进

  评论这张
 
阅读(50)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017